Mamul.am
Ամբողջական տարբերակ Մամուլի խոսնակ
USD 527.96, EUR 640.20, RUB 7.08, GBP 736.03
-2 °C, -1 °C ... +9 °C Վաղը`+3 °C
Hay / Հայ | Рус | Eng | Tür
Սոցիալական բոլոր 4 ոլորտները կսպասարկվեն մեկ միասնական սոցիալական ծառայության կողմից
13:30, 27.01.2021

Կառավարություն այսօրվ նիստին հավանություն տվեց «Սոցիալական աջակցության մասին» օրենքում և հարակից օրենքներում փոփոխությունների նախագծին: «Նախագծի նպատակը սոցիալական պաշտպանության բնագավառում ՀՀ կառավարութան որդեգրած քաղաքականության իրականացման արդյունավետ մեխանիզմների ներդրումն է: Մասնավորապես՝ ՀՀ կառավարությունը սոցիալական պաշտպանության բնագավառում որդեգրել է ինտեգրված սոցիալական ծառայությունների համակարգի ներդրման քաղաքականությունը, որը պետք է հիմնված լինի սոցիալական կարիքի գնահատման միասնական համակարգի վրա»,- ասաց Աշխատանքի և սոցիալական հարցերի նախարար Մեսրոպ Առաքելյանը:

Նրա խոսքով՝ գործող կարգավորումներում նախատեսված է եղել ստեղծել ինտեգրված սոցիալական ծառայությունների պետական գրասենյակ, ինչը ենթադրում է այսօր գործող սոցիալական ոլորտում գործող 4 կառույցների՝ սոցիալական ապահովության ծառայություն, ընտանեկան նպաստների համակարգ, հաշմանդամության ու զբաղվածության ոլորտ: Առաջարկվում էր վերջին երեք ոլորտները միավորել ինտեգրված սոցիալական ծառայություններում և նոր գրասենյակի միջոցով իրականացնել գործառույթներ:

«Առավել արդյունավետ մեխանիզմ է առաջարկվում, ըստ որի՝ նոր կառույց ստեղծելու փոխարեն գործող սոցիալական ապահովության ծառայության հենքի վրա նախատեսվում է ստեղծել միասնական սոցիալական ծառայություն, որն իր մեջ ներառում է բոլոր 4 կառույցները, ու որը հնարավորություն է տալիս մեկ պատուհանի սկզբունքով քաղաքացիներին ծառայություններ մատուցել»,- ասաց նախարարը՝ հավելելով, որ համակարգը ներդրվելու է ապրիլի 1-ից:

Իր հերթին վարչապետ Նիկոլ Փաշինյանն ասաց. «Մենք այնպիսի մեխանիզմ կձևավորենք, որ մարդիկ հնարավորինս քիչ տեղեր գնալու անհրաժեշտություն ունենան, որպեսզի հնարավոր լինի խուսափել ավելորդ քաշքշուկներից»:

Տեղեկացրե՛ք Ձեր մտերիմներին
| |
դեպի վեր