«Ես չեմ մեղադրում ժողովրդին, առաջին հերթին մեղադրում եմ մեզ. միգուցե մեր կազմակերպվածությունը ճիշտ չի եղել»,- այսօր Հանրապետության հրապարակում վարչապետի պահանջով հանրահավաքի ժամանակ ելույթ ունենալիս ասաց կինոռեժիսոր Արշակ Զաքարյանը: «Օրենքով այս հրապարակում այսօր կանգնելու տեղ չպիտի լիներ… Համենայնդեպս, ես էդպես էի մտածում մեր ազգի մասին, քանի որ էստեղ կոչ չէր արվել գալ-կանգնել մեր մեջքին, կոչ էր ավել, որ բոլորս միասին գայինք և կանգնեցնեինք դավադիր ծրագիրը, որն ունի շատ կարճ վերնագիր՝ «Հայաստանն առանց հայերի», որը ներկա իշխանությունն իրականացնում է փուլ առ փուլ»,- ասաց Զաքարյանը: |