Մեծ Բրիտանիայի պաշտպանության նախարար Բեն Ուոլեսը կարծում է, որ որոշ երկրների կողմից հաստատված միջազգային նորմերի անտեսումն աշխարհում քիմիական և կենսաբանական հարձակումների սպառնալիք է ստեղծում: Այս մասին նա ասել է The Times թերթին տված հարցազրույցում։ «Գլոբալ առումով ես կարծում եմ, որ առկա է քիմիական կամ կենսաբանական գրոհի աճող սպառնալիք»,- պարզաբանել Է նախարարը։ Նրա խոսքով՝ հենց համացանցն է «արագացում տվել» ահաբեկչական խմբավորումներին և երկրների իշխանություններին, որոնք ձգտում են զբաղվել համապատասխան զինատեսակների մշակմամբ: «Մտավախություն կա, որ որոշ պետություններ ընդունելի են համարում այս մեթոդի օգտագործումն՝ իրենց նպատակներին հասնելու համար»,- ընդգծել է նա։ |