Պերուում շուրջ 500 մարդ, այդ թվում՝ բարձրաստիճան պաշտոնյաներ, գաղտնի պատվաստվել են նոր տիպի կորոնավիրուսային վարակի դեմ՝ նախքան պատվաստանյութի՝ ազգային վերահսկիչ մարմնի կողմից հասատումը։ Այդ մասին հայտնել է պետության ղեկավար Ֆրանսիսկո Սագաստին։ «Ես և նախարարների խորհրդի նախագահը վրդովված ու հիասթափված ենք՝ տեղեկանալով, որ 487 մարդ, որոնցից շատերը պետական ծառայողներ են, օգտվել են ծառայողական դիրքից, որպեսզի պատվաստվեն Sinopharm պատվաստանյութով»,- հայտարարել է Պերուի առաջնորդը: Նախագահը վստահեցրել է, որ այս սկանդալը չի ազդի պատվաստանյութերի մատակարարման շուրջ բանակցությունների ընթացքի և արդեն ձեռք բերված պայմանավորվածությունների իրականացման վրա: |