+27 °C, +14 °C ... +27 °C Վաղը`+28 °C
Էդինբուրգի համալսարանի հետազոտողները Մեծ Բրիտանիայում կորոնավիրուսի մեկ այլ տեսակ են հայտնաբերել, որն արդեն հասցրել է տարածվել 10 երկրում: Այս մասին հայտնել է The Guardian թերթը՝ հղում անելով շոտլանդացի գիտնականներին։ B1525 անվանումը ստացած տարբերակը հայտնաբերվել է Դանիայում (35 դեպք), Մեծ Բրիտանիայում (32), Նիգերիայում (12), ԱՄՆ-ում (7), Ֆրանսիայում (5), Գանայում (4), Ավստրալիայում (2), Կանադայում (2), Հորդանանում (2) և Իսպանիայում (1)։ Ինչպես նշել է պարբերականը, վիրուսի այս տեսակի գենոմների առաջին սեկվենավորումը դեկտեմբերին անցկացրել են Մեծ Բրիտանիայի և Նիգերիայի մասնագետները: Հետազոտողները նշում են, որ այն տարբերվում է Անգլիայում գերիշխող կորոնավիրուսի շտամից՝ Е484К մուտացիայով, որը նկատվում է նաև վիրուսի բրազիլական, հարավաֆրիկյան և բրիստոլյան տեսակներում: Այս ֆոնին՝ փորձագետները բրիտանական իշխանություններին կոչ են արել երկրի այն շրջաններում, որտեղ հայտնաբերվել է տվյալ շտամը, ավելացնել կորոնավիրուսի թեստերի քանակը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am