Ռուսաստանն աջակցում է Հայաստանի Զինված ուժերի բարեփոխմանը։ Այս մասին հայտարարել է ՀՀ-ում ՌԴ դեսպան Սերգեյ Կոպիրկինը։
Դիվանագետի խոսքով՝ Հայաստանի և Ռուսաստանի Պաշտպանության նախարարությունների միջև ներկայում տարբեր ուղղություններով շփումներ են ընթանում:
«Քննարկվում են մեր երկրների, զինված ուժերի միջև փոխգործակցության ամրապնդման վերաբերյալ հարցեր։ Կարծում եմ՝ ժամանակին համապատասխան տեղեկատվություն կլինի»,- ասել է Կոպիրկինը։
Նրա խոսքով՝ Լեռնային Ղարաբաղում իրավիճակի խաղաղ կարգավորման ուղղությամբաշխատանքները շարունակվում են նաև ԵԱՀԿ Մինսկի խմբի համանախագահության շրջանակներում:
Անդրադառնալով ռազմագերիների հարցին՝ դեսպանն ասել է․ «Մշտական աշխատանք է տարվում ռազմագերիներին վերադարձնելու ուղղությամբ, դա հեշտ գործընթաց չէ։ Պարբերաբար տեղեկություններ են ստացվում նոր խմբերի վերադարձի մասին։ Մենք ցանկանում ենք, որ դա տեղի ունենա որքան հնարավոր է արագ՝ «բոլորը բոլորի դիմաց» սկզբունքով»։
Դեսպանը հավելել է, որ չգիտի, թե երբ կվերադառնա գերիների նոր խումբը։