«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է. «90-ականներից սկսած, չի եղել գեթ մեկ միջոցառում, որի մասնակիցները (ցուցարարները ) չնշեին, որ «ոստիկաններն իրենցն են» և, որ «նրանք մեղավոր չեն, նրանք իրենց գործն են անում»: 90-ականներից սկսած, ես չեմ ճանաչել գեթ մեկ ոստիկանի (իսկ ես ճանաչել եմ բազմաթիվ ոստիկանների), որը դրական արտահայտվեր օրվա իշխանությունների մասին, սակայն ցուցարարարների հանդեպ «իր գործը» չաներ: Ի՞նչ է ստացվում: Ժողովրդին պատկանող, իրենց գործն անող և, հետևաբար մեղավորություն չունեցող, օրվա իշխանության նկատմամբ բացասական կարծիք ունեցող ոստիկանները, 90-ականներից սկսած, մշտապես բռնության են ենթարկում ցուցարարներին, իսկ վերջիններս, կրկին 90-ականներից, մշտապես պնդում են, որ «ոստիկաններն իրենցն են» և, որ «նրանք մեղավոր չեն, նրանք իրենց գործն են անում»: Հենց այսպես էլ ապրում ենք: Սկսած 90-ականներից: Մեր սիրած քաղաքում: Չեմ սխալվում` քաղաքում, այլ ոչ պետությունում»: |