+16 °C, +16 °C ... +28 °C Վաղը`+28 °C
Քաղաքական մեկնաբան Հակոբ Բադալյանը ֆեյսբուքյան իր էջում գրել է. «Հայ-ռուսական հարաբերությամբ մտահոգության համատեքստում թերևս արժե արձանագրել մի բան: Եթե այստեղ կա մտահոգության առարկա, ապա դա այդ հարաբերության ներկայիս «էքզիստենցիալ» նշանակությունն է ռուսական ռեգիոնալ և աշխարհաքաղաքական գերակա մշակումներում: Այն է՝ ռուս-թուրքական հարաբերությանը ստորադաս հարաբերություն: Ինչու է այդպես, պատճառները և այլն, քննարկման առանձին նյութ են: Բայց մտահոգիչը հենց սա է, ոչ թե այն, թե Ռուսաստանին կարող է դուր չգալ Հայաստանի նախկին կամ ներկա վարչապետի կամ նախագահի որևէ հայտարարություն և մեզ հանկարծ կսկսեն նայել փիս աչքով: Մեզ նայել են, նայում են և նայելու են որպես ռուս-թուրքականի ստվերում գտնվող ռեսուրսի: Հետևաբար, դուք առավոտից երեկո շնորհակալություն կհայտնեք Ռուսաստանին, թե կասկածի տակ կդնեք սպառազինության որակ, ռուսական քաղաքականությունը չի փոխվելու դրանից: Հակառակը՝ փոփոխության հեռանկարը կբացվի գուցե այն ժամանակ, երբ Հայաստանի հասարակական-քաղաքական մտածողությունից կսկսի դուրս գալ այն, թե այդ հարաբերությունը կախված է առաջին դեմքի ով լինելուց կամ նրա հռետորաբանությունից: Մի օրինակ՝ Ռուսաստանը 2007-2008-ին թույլ չտվեց Հայաստանում Ռոբերտ Քոչարյանի ծրագրերի իրագործում և անցկացրեց Սերժ Սարգսյանի ծրագիրը, իսկ հետո տասը տարի Ռոբերտ Քոչարյանի գործոնը օգտագործում էր Սերժ Սարգսյանի քաղաքականության դեմ և թիրախավորում Սարգսյանին»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am