+11 °C, +11 °C ... +24 °C Վաղը`+27 °C
Այսօր՝ Կառավարության նիստում, առողջապահության նախարար Անահիտ Ավանեսյանը ներկայացրեց նախագիծ, ըստ որի առաջարկվում է պատերազմի ընթացքում զոհված զինծառայողների ծնողներին, ցանկության և բժշկական հակացուցումների բացակայության դեպքում, օգտվել վերարտադրողական օժանդակ տեխնոլոգիաներով մատուցվող ծառայություններից։ «Հաշվի առնելով հետպատերազմյան շրջանում որդեկորույս ծնողների կրկին զավակ ունենալու ցանկությունը և այդ հարցում պետական աջակցություն տրամադրելու կարևորությունը՝ նախագծով սահմանվել է շահառուների նոր խումբ, որի համար վերացվել են գործող որոշմամբ սահմանված հիմնական և լրացուցիչ պահանջները»,- նշեց նախարարը։ «Սույն որոշմամբ՝ պատերազմում և դրանից հետո մարտական գործողությունների մասնակցության հետ կապված պատճառահետևանքային կապով զոհված որդու ծնողների համար չեն գործի անզավակ լինելու, օրենքով սահմանված կարգով ՔԿԱԳ մարմիններում գրանցված լինելու և կնոջ 42 տարեկանը լրացած չլինելու հիմնական պահանջները, որոնք գործող որոշմամբ առկա են»,- հավելեց Ավանեսյանը՝ նշելով, որ արդեն իսկ վերարտադրողական օժանդակ տեխնոլոգիաների միջոցով կրկին զավակ ունենալ ցանկացողների մեծ հոսք է առկա։ Կառավարությունը միաձայն ընդունեց որոշման նախագիծը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am