«Իրավիճակի հանգուցալուծման մասին. այո՛, մենք հետպատերազմյան սթրեսի մեջ ենք ու ժողովուրդը հոգնել է այս շարունակական անկայունություններից: Երկրում պետք է ժողովրդի իշխանությունը կասկածի տակ չդրվի, երկիրը բռնությամբ, սադրանքների, քաղաքացիական պատերազմի մեջ ներքելու փորձերը խստորեն պետք է կասեցվեն ոստիկանության, ԱԱԾ-ի ու ժողովրդի կողմից»,- քիչ առաջ Հանրապետության հրապարակում ելույթի ժամանակ ասաց ՀՀ վարչապետը:

«Ձեզ մոտ հարց կծագի՝ պատերազմից հետո, օրինակ, չեմ մտածե՞լ, որ պետք է հրաժարական տա՞մ: Մտածել եմ, շատ եմ մտածել, բայց ասել եմ մի բան՝ ինքնակամ չեմ դարձել ՀՀ վարչապետ, ժողովուրդն է դա որոշել, ու ժողովուրդը պետք է որոշի իմ հեռացման հարցը»,- հավելեց նա՝ անդրադառնալով արտահերթ ընտրություններին, որի շուրջ քաղաքական ուժերի հետ կոնսենսուս չձևավորվեց. «Մենք կարող էինք որոշել միանձնյա ու գնալ ընտրությունների, բայց քաղաքական ուժերն ասում են՝ ընտրական տեղամասերում դեբոշներ կանենք, առիթից կօգտվենք: Մինչդեռ մենք ուզում էինք կայունության հիմք դառնային ընտրությունները... Ով վեր ա կենում՝ հրաժարական ա պահանջում, նորմալ ա, թող պահանջեն, բայց ինձ ժողովուրդն է ընտրել, թող ժողովուրդը ինձ դատապարտի, հրապարակում գնդակահարի...»: