«Գիտեք, որ ԲՀԿ-ն ու ԼՀԿ-ն ԱԺ արտահերթ նիստ էին նախաձեռնել, սակայն, ինչպեսև ակնկալվում էր, իշխանական «Իմ քայլը» խմբակցությունը տապալեց այն»,- քիչ առաջ Բաղրամյան պողոտայում հայտարարեց ԲՀԿ-ական պատգամավոր Իվետա Տոնոյանը: «Սա նշանակում է, որ այս իշխանությունը բացառում է քաղաքակիրթ ճանապարհն իր հեռանալու ու այսօր էլ վարչապետի աթոռին սոսնձված անձը անամոթաբար հայտարարում է, որ պատրաստ է քաղաքական երկխոսության: Եթե պատրաստ էիր, հանձնարարեիր իմքայլականներին՝ գային ու տեղի ունենար արտահերթը: Բայց՝ ո՛չ, դուք այն կարգի եք վախենում ձեր իշխանությունը կորցնելուց, որ անգամ ժողովրդի մեջ քայլելով, վեց շարք ոստիկանական պատի ուղեկցությամբ եք քայլում»,- հավելեց պատգամավորը: