ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+7 °C, +3 °C ... +13 °C Վաղը`+16 °C
Թրամփը չի բացառել, որ կրկին կառաջադրվի նախագահի պաշտոնում
12:05, 01.03.2021 | mamul.am
7851 | 0

ԱՄՆ նախկին նախագահ Դոնալդ Թրամփը չի բացառել, որ կարող է կրկին մասնակցել նախագահական մրցապայքարին։ Այս մասին հայտարարել է երկրի նախկին ղեկավարը՝ ելույթ ունենալով Օռլանդոյում (Ֆլորիդա նահանգ) քաղաքական գործողությունների պահպանողական համաժողովում։

Թրամփի խոսքով՝ ԱՄՆ-ի գործող առաջնորդ Ջո Բայդենը «որպես վարչակազմի ղեկավար ձախողել է իր գլխավոր խնդիրը՝ ապահովել ամերիկյան օրենքների պահպանումը»:
Հանրապետականը վստահություն է հայտնել, որ դրա պատճառով «դեմոկրատները ջախջախիչ պարտություն կկրեն միջանկյալ ընտրություններում և 4 տարի հետո միանշանակ կկորցնեն Սպիտակ տունը»:
«Նրանք արդեն կորցրել են Սպիտակ տունը»,-ասել է նա: -Ո՞վ գիտի, միգուցե ես որոշեմ 3-րդ անգամ հաղթել նրանց»։
Սա Թրամփի առաջին հրապարակային ելույթն է՝ նախագահի պաշտոնում նրա լիազորությունների ժամկետի ավարտից հետո:

Կիսվի՛ր այս նյութով՝
դեպի վեր