Վարչապետ Փաշինյանն այսօր հանրահավաքի ժամանակ հայտարարեց, որ իրենց գլխավոր խնդիրնը ձեռք բերված նվաճումները պահպանելն ու պաշտպանելն է. «Այդ կարևոր նվաճումներից մեկը, որ մենք ունենք, ժողովրդի իշխանությունն է: Այն բոլոր ճգնաժամերը, որ մենք ունենք, պիտի լուծվեն ոչ թե ժողովրդի սահմանադրական իշխանության հաշվին, այլ՝ ժողովրդի իշխանության վերահաստատմամբ: Իշխանություն ձևավորելու ժողովրդի իրավունքը ոչնչով չպետք է վտանգվի, այլ ընդհակառակը՝ ավելի պիտի ուժեղանա: Այսինքն, ՀՀ-ում միայն ժողովուրդը պիտի որոշի՝ ով պիտի լինի իշխանություն: Մեր ընթացիկ ճգնաժամի առանցքը հենց սա է: Ժողովրդի իշխանությունն իր ձեռքից ուզում են խլել, և մենք հրապարակում հավաքվել ենք, որ ասենք՝ դա թույլ չենք տալու»,- հայտարարեց Փաշինյանը: