Վարչապետ Փաշինյանն այսօր հանրահավաքի ժամանակ հայտարարեց, որ այն մարդիկ, ովքեր ներգրավված են 2008-ի մարտի 1-ի արյունոտ դեպքերում, այժմ էլ փորձում են բանակը հանել ժողովրդի դեմ: «Զինված ուժերի ԳՇ հայտարարությունը այլ կերպ պարզապես չեմ կարող գնահատել: Ուզում եմ ասել առանց սեթևեթանքների՝ ԳՇ հայտարարությունը, այդ թվում 2008-ի իշխող շրջանակների կողմից զինվորականների վրա ազդեցություն գործադրելու արդյունք է...: Այլոց շարքում այդ թվում Սերժ Սարգսյանն է. ԶՈՒ որոշ գեներալների վրա իր ազդեցությունն օգտագործելով նրանց փորձել դրդել դուրս գալ պետության ու ժողովրդի դեմ: ԳՇ հայտարարությունը բացարձակապես ապօրինի է»,- ասաց Փաշինյանը՝ հավելելով, որ երբ իր նշանակած ԳՇ պետը կատարում է «մերժվածի հրամանը, այ դա է դավաճանությունը»: |