ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+6 °C, +5 °C ... +16 °C Վաղը`+19 °C
Նիգերիայի իշխանությունները հաստատել են առևանգված աշակերտուհիների ազատ արձակման լուրը
15:15, 02.03.2021 | mamul.am
7097 | 0

Նիգերիայի հյուսիսում, փետրվարի 26-ին առևանգված հարյուրավոր աշակերտուհիներ ազատ են արձակվել և գտնվում են Զամֆարա նահանգի կառավարության շենքում: Այս մասին երեքշաբթի հայտնել Է Agence France-Presse-ը՝ վկայակոչելով նահանգի նահանգապետ Ամին Բելո Մասարիին։

«Ուրախ եմ տեղեկացնել, որ աղջիկներն ազատ են արձակվել»,- ասել է նահանգապետը։ Նրանք քիչ առաջ Կառավարության տուն են ժամանել ողջ և առողջ»։ Ազատ արձակված աշակերտների ճշգրիտ թիվը նա չի նշել։

Փետրվարի 28-ին նիգերիական Vanguard թերթը հաղորդել էր, որ 317 աշակերտուհիների խումբն ազատ է արձակվել և կտեղափոխվի Զամֆարա նահանգի վարչական կենտրոն՝ Գուսաու քաղաք: Սակայն իշխանություններն այդ ժամանակ չէին հաստատել տեղեկությունը։

Դպրոցականներին փետրվարի 26-ին առևանգել էին Ջանգեբե քաղաքում աղջիկների պետական միջնակարգ գիշերօթիկ դպրոցից: Հանցագործները եղել էին անվտանգության պետական ծառայության աշխատակիցների համազգեստով։ Նրանք դպրոցականներին ստիպել էին դուրս գալ փողոց, նրանց տեղավորել էին ավտոբուսներում և տարել անհայտ ուղղությամբ։

Կիսվի՛ր այս նյութով՝
դեպի վեր