Քաղաքագետ Արմեն Վարդանյանը ֆեյսբուքյան իր էջում գրել է. «Հետաքրքիր ա, որ Ալիևը 2-րդ ղարաբաղյան պատերազմի մասնակիցներից ոչ մեկին ազգային հերոսի կոչում չի տվել: 44- օրյա պատերազմից հետո 3 հոգու շնորհվեց ազգային հերոսի կոչում, բայց նրանք ոչ մի կապ չունեին վերջին ղարաբաղյան պատերազմի հետ: Փոլադ Հաշիմովը և Իլգար Միրզաևը զոհվել են տավուշյան մարտերի ժամանակ, իսկ Իբադ Մովսում օղլի Հուսեյնովն առաջին ղարաբաղյան պատերազմի մասնակից է ու պնդում է, իբր թե նա է սպանել Մոնթե Մելքոնյանին, չնայած նույնիսկ ադրբեջանցիներն են նշում, որ դա սուտ է: Ինձ շատ ա հետաքրքրում, թե ինչու՞ վերջին պատերազմի մասնակիցներից ոչ մեկին ազգային հերոսի կոչում չի տալիս»: