ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+15 °C, +5 °C ... +15 °C Վաղը`+20 °C
Երկրի վրա մագնիսական փոթորիկ է սկսվել
00:05, 03.03.2021 | mamul.am
7250 | 0

Երկրի վրա G2 միջին մակարդակի մագնիսական փոթորիկ է սկսվել, ասված է Ռուսաստանի գիտությունների ակադեմիայի ֆիզիկայի ինստիտուտի Արեգակի ռենտգենյան աստղագիտության լաբորատորիայի կայքում, փոխանցում է РИА Новости-ն:
Դա պայմանավորված է նրանով, որ Արեգակի վրա С դասի թույլ բռնկում է տեղի ունեցել. Ընդ որում, ըստ գիտնականների կանխատեսումների՝ մագնիսական փոթորկի հավանականությունը երկուշաբթի կազմել է ընդամենը 10%։
Մագնիսական փոթորիկների դասակարգման 5 մակարդակ կա՝ G1-ից G5։ Ենթադրվում է, որ թույլ փոթորիկը կարող է էներգահամակարգերի աշխատանքում աննշան խափանումներ առաջացնել, ինչպես նաև ազդել թռչունների և կենդանիների միգրացիոն ճանապարհի վրա: Ավելի ուժեղ փոթորիկներն առաջացնում են կարճալիքային կապի և նավիգացիոն համակարգերի աշխատանքի, ինչպես նաև արդյունաբերական ցանցերում էլեկտրաէներգիայի խափանումներ:
Բացի այդ, արևային ակտիվության ավելացումը կարող է ընդլայնել բևեռային լույսերի դիտարկման աշխարհագրությունը։

Կիսվի՛ր այս նյութով՝
դեպի վեր