Վրաստանի փոխվարչապետ, արտաքին գործերի նախարար Դավիթ Զալկալիանին պաշտոնական այցով գտնվում է Թուրքիայում: Այս մասին տեղեկատվություն է տարածել Վրաստանի արտաքին գործերի նախարարությունը:

Այցի ընթացքում արտաքին գործերի նախարարը դեմ առ դեմ և ընդլայնված հանդիպում կունենա իր թուրք գործընկեր Մեվլութ Չավուշողլուի հետ, որից հետո համատեղ հայտարարություններ կարվեն լրատվամիջոցների համար:

Թուրքիա կատարած այցի ընթացքում, նախատեսվում է Դավիթ Զալկալիանիի հանդիպումը Թուրքիայի փոխնախագահ Փուաթ Օքթայի հետ: