ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +3 °C ... +12 °C Վաղը`+16 °C
Պեսկովը մեկնաբանել Է Ռուսաստանի դեմ ԵՄ-ի և ԱՄՆ-ի նոր պատժամիջոցները
15:20, 03.03.2021 | mamul.am
3924 | 0

Ռուսաստանի քաղաքացիների և կազմակերպությունների դեմ ԱՄՆ-ի և Եվրոմիության նոր պատժամիջոցները միջամտություն են Ռուսաստանի ներքին գործերին, լրագրողներին հայտարարել Է Կրեմլի պաշտոնական ներկայացուցիչ Դմիտրի Պեսկովը: Նա նաև անընդունելի է համարել նման սահմանափակումները։
«Նման ցանկացած սահմանափակում բացարձակապես անընդունելի ենք համարում, քանի որ դրանք էապես վնասում են առանց այն էլ անբարենպաստ վիճակում գտնվող հարաբերություններին»,-ճեպազրույցի ժամանակ լրագրողներին հայտարարել է Պեսկովը:
Պատասխանելով ԵՄ-ի և ԱՄՆ-ի կետային պատժամիջոցների ռազմավարության մասին հարցին՝ Պեսկովն ասել է, որ «ինչ-որ մոտիվացիա բացատրելը» Կրեմլի գործը չէ:
Նա նաև նշել է, որ սահմանափակումները, որոնք ԱՄՆ-ի ֆինանսների նախարարությունը մտցրել է ռուս ուժայինների նկատմամբ, կրկնօրինակում են ռուսական օրենքները և արգելում նրանց այն ամենն, ինչն առանց այդ էլ՝ ռուսական օրենսդրությամբ, արգելված է այդ պաշտոններում գործող մարդկանց:

Կիսվի՛ր այս նյութով՝
դեպի վեր