Ինչպես արդեն հայտնել ենք, այսօր ԱԺ -ում, Վճռաբեկ Դատարանի դատավորի թեկնածու Արմեն Հայկյանցը պատասխանում է պատգամավորների հարցերին։

Անկախ պատգամավոր Թագուհի Թովմասյանը, դիմելով Արմեն Հայկյանցին, ասաց․

«Ոչ վաղ անցյալում այստեղ ընտրեցինք Վճռաբեկ դատարանի նախագահ Լիլիթ Թադևոսյանին, և նա էլ այդ ամբիոնից բարձր վստահեցրեց, որ որևէ քաղաքական ազդեցությունից զերծ է մնալու, բայց հիմա ինձ լուրեր են հասնում, որ նա քաղաքական պաշտոնյաների հետ մի քանի ժամով փակվում է իր աշխատասենյակում և ինչ-որ քննարկումներ է ծավալում։ Դուք, որ հավակնում եք դառնալ Վճռաբեկ դատարանի դատավոր, ինչպե՞ս եք պայքարելու, որ, օրինակ, արդարադատության նախարարը չհյուրընկալվի ձեզ և հրահանգներ չտա»։

Ի պատասխան Հայկյանցը նշեց, որ դատավորի կատեգորիան պետք է լինի անկախ, անաչառ և ենթարկվի միայն օրենքին։

Մանրամասները՝ տեսանյութում։