Այսօր՝ ԱԺ-Կառավարություն հարցուպատասխանի ժամանակ, ԼՀԿ պատգամավոր Արկադի Խաչատրյանը, դիմելով վարչապետ Նիկոլ Փաշինյանին, հարցրեց՝ ի վերջո պատերազմի ժամանակ «Իսկանդեր» կիրառվե՞լ է, թե՞ ոչ։ Վարչապետի փոխարեն հարցին պատասխանեց փոխվարչապետ Տիգրան Ավինյանը։ «Տվյալ հարցի շուրջ կարծում եմ բոլոր հնարավոր քննարկումները և հայտարարությունները եղել են, տրվել են պարզաբանումներ և որևէ ավելացնելու բան չկա։ Ինչ վերաբերում է ռուսական կողմին՝ կառաջարկեմ ծանոթանալ ռուսական կողմի վերջին հայտարարության հետ, որով հայտնում են, որ հարցը պարզաբանված է և որևէ խնդիր չկա»,- նշեց նա։ Մանրամասները՝ տեսանյութում։ |