ԱՄՆ նախկին պետքարտուղար Մայք Փոմփեոն չի բացառում 2024 թվականին նախագահի թեկնածու առաջադրվելու հնարավորությունը, եթե նախկին նախագահ Դոնալդ Թրամփը չառաջադրի իր թեկնածությունը: «Ես միշտ պատրաստ եմ եղել պայքարի։ Ես մտածում եմ Ամերիկայի մասին։ Միասին՝ մենք վաղուց պահպանողական շարժման մի մասն ենք։ Ես ձգտում եմ շարունակել նույն ոգով»,- Fox News հեռուստաալիքի եթերում Փոմփեոն պատասխանել է այն հարցին, թե հնարավոր է արդյոք, որ նա մասնակցի նախագահական ընտրություններին, եթե Թրամփը չառաջադրվի։ Ավելի վաղ Թրամփը հայտարարել էր, որ հնարավոր է որոշի կրկին առաջադրվել նախագահի պաշտոնում։ Bloomberg գործակալությունը, հղում անելով իր աղբյուրներին, հայտնել է, որ Թրամփը լրջորեն դիտարկում է այդ հնարավորությունը։ |