ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +3 °C ... +13 °C Վաղը`+16 °C
Վրաստանը Հայաստանի և Ադրբեջանի հետ համագործակցության ձևաչափ է առաջարկել
12:05, 04.03.2021 | mamul.am
4196 | 0

Մարտի 3-ին՝ Թուրքիա կատարած պաշտոնական այցի ժամանակ, Վրաստանի ԱԳ նախարար Դավիթ Զալկալիանին հանդես է եկել Հարավային Կովկասի 3 երկրների՝ Վրաստանի, Ադրբեջանի և Հայաստանի միջև ինտենսիվ համագործակցության հաստատման նախաձեռնությամբ:

«Մենք մեր հարևաններին տրամադրում ենք քաղաք Թբիլիսին՝ որպես երկխոսության համար հարթակ»,- հայտարարել է վրացի նախարարը՝ պարզաբանելով, որ նկատի ունի հարաբերությունների կարգավորումը՝ ուղղված տնտեսության, բիզնեսի և մշակույթի ոլորտներում զարգացմանը:

«Առաջին հերթին խոսքը Հարավային Կովկասի 3 երկրների մասին է»,- նշել է Վրաստանի դիվանագիտական գերատեսչության ղեկավարը:

Զալկալիանիի խոսքով՝ 3 երկրները պետք է «իրենք հոգ տանեն տարածաշրջանի մասին»։

«Ո՞վ, եթե ոչ մենք՝ հարավկովկասյան 3 երկրները, պետք է որոշենք մեր տարածաշրջանի ճակատագիրն ու ապագան։ Դրա համար էլ մենք առաջարկում ենք հավաքվել և այս ձևաչափի շրջանակներում սկսել քննարկումը»,- ասել է Զալկալիանին։

Կիսվի՛ր այս նյութով՝
դեպի վեր