ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+5 °C, +5 °C ... +16 °C Վաղը`+19 °C
Առաջարկվում է ՊՊԾ-ն առանձնացնել ԱԱԾ-ից և դարձնել վարչապետին ենթակա մարմին
19:40, 04.03.2021 | mamul.am
3696 | 0

Իրավական ակտերի նախագծերի հրապարակման միասնական կայքում քննարկման է դրվել «Հատուկ պետական պաշտպանության ենթակա անձանց անվտանգության ապահովման մասին» նախագիծ, որով առաջարկվում է պետական պահպանության ծառայությունն առանձնացնել ԱԱԾ մարմինների համակարգից և դրա հետագա գործունեությունը շարունակել՝ որպես վարչապետին ենթակա պետական կառավարման համակարգի մարմին:
Նախագիծը քննարկման է ներկայացրել ԱԱԾ-ն: Ըստ նախագծի, Ծառայության պետին պաշտոնի նշանակում և պաշտոնից ազատում է Հանրապետության նախագահը՝ վարչապետի առաջարկությամբ: Ծառայության պետի տեղակալներին պաշտոնի նշանակում և պաշտոնից ազատում է վարչապետը՝ ծառայության պետի ներկայացմամբ: Ծառայության ծառայողների գլխավոր, ավագ, միջին, կրտսեր խմբերի պաշտոնների ծառայողներին պաշտոնի նշանակում ու պաշտոնից ազատում է ծառայության պետը:
Նախատեսված է, որ օրենքն ընդունելուց հետո Ազգային անվտանգության ծառայության պետական պահպանության ծառայություն գրասենյակի աշխատակիցները կշարունակեն պաշտոնավարել որպես վարչապետին ենթակա պետական պահպանության ծառայության աշխատակիցներ:

Կիսվի՛ր այս նյութով՝
դեպի վեր