Իմքայլական պատգամավոր Հայկ Կոնջորյանն այսօր՝ ԱԺ-ում ճեպազրույցի ժամանակ անդրադարձավ արտահերթ ընտրությունների թեմայով իշխանության կողմից կազմակերպվող քննարկումներին խորհրդարանական ուժերի հետ: «Գագիկ Ծառուկյանի մասով ես կարող եմ միայն ասել, որ եղել է հրավեր և թե երբ կլինի այդ հանդիպումը, ինֆորմացիա չունեմ: Բայց մի բան կարող եմ հստակ ասել, որ քննարկումները կլինեն և երբ դրանց արդյունքում կլինի իրավիճակ, որ ֆիքսվի համաձայնություն, այն հրապարակային կներկայացնենք»,- ասաց Կոնջորյանը: Հիշեցնենք՝ երեկ տեղի է ունեցել վարչապետի ու ԼՀԿ ղեկավար Էդմոն Մարուքյանի հանդիպումը: |