SpaceX և Tesla ընկերությունների հիմնադիր Իլոն Մասքը վերջին 1 օրում 6,2 միլիարդ դոլար է կորցրել, այս մասին վկայում են Forbes-ի՝ մարտի 5-ի տվյալները:
Պարբերականի տեղեկության համաձայն՝ ամերիկացի գործարարի կարողությունը հինգշաբթի՝ սակարկություններից հետո նվազել է գրեթե 4%-ով՝ հասնելով մինչև 150,9 միլիարդ դոլարի:
Վերլուծաբանները դա կապում են Tesla ավտոարտադրողի բաժնետոմսերի արժեքի՝ մոտավորապես 4,94%-ով անկման հետ: Մասքին է պատկանում ընկերության բաժնետոմսերի մոտ 5-րդ մասը։
Այնուամենայնիվ, նա շարունակում է Forbes-ի՝ աշխարհի ամենահարուստ մարդկանց ցուցակի 3-րդ տեղը զբաղեցնել:
Աշխարհի ամենահարուստ մարդկանց վարկանիշը գլխավորում է Amazon-ի հիմնադիր Ջեֆ Բեզոսը՝ 175,4 միլիարդ դոլարով, 2-րդ տեղում Louis Vuitton Moet Hennessy-ի նախագահ Բեռնար Առնոն է (155,6 միլիարդ դոլար):
Փետրվարի 26-ին հայտնի դարձավ, որ Մասքը գրեթե 14 միլիարդ դոլար է կորցրել՝ Tesla-ի բաժնետոմսերի արժեքի անկման պատճառով: