ԱՄՆ նախկին նախագահ Դոնալդ Թրամփի անունով գրանցված ընկերությունը 49 միլիոն դոլարով, վաճառքի է հանել Ֆլորիդա նահանգում՝ օվկիանոսի ափին գտնվող առանձնատունը: Այս մասին հաղորդում է New York Post-ը:
Առանձնատունը գտնվում է Փալմ Բիչ առողջարանային քաղաքում՝ Թրամփի Մար ա Լագո կալվածքից ոչ հեռու, որտեղ այժմ նա ապրում է։
Նշվում է, որ առանձնատան ապագա սեփականատերը լիարժեք անդամակցություն կստանա նախկին նախագահի գոլֆ ակումբին:
Երկհարկանի առանձնատան մակերեսը կազմում է մոտ 3185 քմ։ Այն ունի 8 ննջասենյակ, 9 սանհանգույց, գրադարան, հյուրասենյակ, ապակեպատ պատշգամբ։ Շենքը կառուցվել է 1956 թվականին, սակայն ժամանակակից վերանորոգում է իրականացվել։
Տան հիմնական առանձնահատկությունը պանորամային պատշգամբն է, որտեղից տեսարան է բացվում դեպի օվկիանոս և ամայի լողափ։