Փաստաբան Վահան Հովհաննիսյանը ֆեյսբուքյան իր էջում գրել է. «Կոչ բոլոր ընկերներիս, ծանոթներիս, հարազատներիս. այլևս երբեք չգնաք Բաղրամյան պողոտա:
Բաղրամյան պողոտայում կան քաղաքական գործիչներ, որոնց խորապես հարգում եմ, բայց նրանք բոլորը մոռացել են մի կարևոր երևույթի մասին: Ամեն օր, գիշեր թե ցերեկ, ազգին կոչ եք անում գալ Բաղրամյան պողոտա, միանալ Ձեր հավաքներին, երթերին ու միտինգներին: Շատերը անսալով Ձեր կոչին, անձնապես ճանաչելով ու հարգելով Ձեզ, իսկ շատերը՝ որպես անձնական դրդապատճառ ունենալով անհուն ատելությունը նիկոլի նկատմամբ եկել են Ձեր հավաքներին, ու....: Ու, ստացվել է այն, ինչ այսօր մի տաքսիստ ինձ պատմեց: Դստերը պետական պաշտոնից ազատել են Ձեր հավաքներին մասնակցելու համար: Սա չեմ գրում նրա համար, որ նիկոլը չպետք է հեռանա: Սա գրում եմ նրա համար, որ մարդկանց հույս եք տալիս, կանչում Բաղրամյան պողոտա ու զրկում իրենց օրվա հացից: Դուք պատասխանատու եք այն անձանց առջև, ում բերում եք Ձեր հավաքներին, նրանք իրականում հերոսներ են, որ անտեսելով իրենց անձի ու ընտանիքի գլխին կախված բոլոր հնարավոր հարձակումները, գալիս են Բաղրամյան պողոտա: ՈՒ ինչ եք Դուք տալիս այդ մարդկանց: Հավաք, միտինգ, երթ, բարի գիշեր, մինչև մյուս հավաք: Սա է Ձեր մարտավարությունը, սա է Ձեր գործելաոճը: ՈՒ Դուք զարմանում եք, թե ինչու մարդիկ չեն գալիս Բաղրամյան պողոտա: Ո՞րն է իշխանափոխությանն ուղղված Ձեր միակ ձեռքբերումը, Բաղրամյան պողոտա փակե՞լը: ՈՒ վե՞րջ, սա՞ է Ձեր մարտավարությունը; Դուք գոնե մի անգամ ասե՞լ եք ժողովրդին մենք ու՞ր ենք գնում դեպի արևմուտք թե դեպի Ռուսաստան, ո՞րն է մեր ազգային հայեցակարգը՝ պատերազմը, թե խաղաղությունը, Դուք դե՞մ եք թե կողմ նոյեմբերի 9-ի հայտարարությանը: ՈՒ չտալով այս հարցերի պատասխանը Դուք մարդկանց տանում եք Ձեր հավաքներին ու զրկում աշխատանքից, դնում իշխանական քարոզչամեքենայի գրոհների տակ: Դուք այսօր անգամ չգիտեք գնում եք արտահերթ ընտրությունների, թե ոչ:
ՈՒ հիմա տեսեք, թե ինչ եմ ասում, եթե հստակ չառաջարկեք իշխանափոխության Ձեր ծրագիրը, այլևս երբեք, լսում եք՝ երբեք չպահանջեք ժողովրդից գալ Բաղրամյան պողոտա:
Նիկոլը պետք է հեռանա, բայց Դուք չունեք նրան հեռացնելու ներուժ ու դուխ, այո՛, հենց ԴՈՒԽ»:
