Սերբիայի վարչապետ Անա Բրնաբիչը նախագահ Ալեքսանդր Վուչիչի ապօրինի գաղտնալսումը որակել է որպես պետական հեղաշրջման փորձ։ Նրա խոսքով՝ դրանում ներգրավված են իշխող կուսակցության ներկայացուցիչները և ՆԳՆ բարձրաստիճան պաշտոնյաներ: Սերբիայի ՆԳ նախարար Ալեքսանդր Վուլինը կիրակի գիշերն՝ Անվտանգության խորհրդի նիստից հետո հայտնել է, որ իրավապահ մարմինների տվյալներով՝ պետության ղեկավարին ու նրա ընտանիքի անդամներին ապօրինաբար 1572 անգամ գաղտնալսել են: Նախարարը հստակեցրել է, որ դրանում ներգրավված են ՆԳՆ բարձրաստիճան պաշտոնյաներ, և որ գործն ու հավաքված նյութերը փոխանցվել են դատախազություն: «Սերբիայի նախագահ Ալեքսանդր Վուչիչի գաղտնալսումը պետական հեղաշրջման փորձ է»,- հայտարարել է Սերբիայի վարչապետը՝ TV Pink-ի եթերում: |