Հոնկոնգի իշխանությունները հետաձգել են կորոնավիրուսի դեմ AstraZeneca պատվաստանյութի 7,5 միլիոն չափաբաժնի գնումը: Այս մասին գրում է South China Morning Post թերթը։ «Հիմնական պատճառն այն է, որ մենք արդեն պատվաստանյութի բավարար պաշար ունենք (այլ պատվաստանյութեր)»,- գործակալությունը մեջբերել է առողջապահության հարցերով նախարարի քարտուղար Սոֆյա Չենի խոսքը: Նա ընդգծել է, որ «այս տարի դեղամիջոցի մատակարարման անհրաժեշտություն չկա», թեև անցյալ տարի Հոնկոնգը 7,5 միլիոն դեղաչափի մատակարարման պայմանագիր է կնքել: Կառավարությունում աղբյուրը հայտնել է, որ պատվերը չի չեղարկվի, այն հետաձգվել է մինչև այն ժամանակը, երբ արտադրողը լրամշակի պատվաստանյութը և բարձրացնի դրա արդյունավետությունը «հարավաֆրիկյան» շտամի դեմ: |