«Կրեմլի ցուցումով իշխանությունները հայտարարել են արտահերթ ընտրություններ անցկացնելու մասին»,- այսօր՝ Ազգային-ժողովրդավարական բևեռի հանրահավաքի ժամանակ, հայտարարեց ԱԺԲ խորհրդի անդամ Արա Պապյանը։
«Կրեմլը պատրաստվում է իրեն ձեռնտու կերպով վերադասավորել կառավարման համակարգը Հայաստանում»,- նման համոզմունք հայտնեց նա։
«Մենք ընտրությունները չենք համարում ճգնաժամի լուծման հնարավորություն, այլ ընդհակառակը՝ տեսնում ենք, որ եթե դրանք տեղի ունենան, ապա ճգնաժամն էլ ավելի կխորանա և, ի վերջո, էապես կվնասի մեր երկրին»,- ասաց նա։
«Այդ պատճառով մենք վերահաստատում ենք մեր մարտավարությունը․ եթե ԱԺ-ը լուծարելու նպատակով վարչապետի պաշտոնը զբաղեցնող Նիկոլ Փաշինյանը հրաժարական տա, մենք պետք է կարողանանք համախմբված ժողովրդի կամքը պարտադրել ԱԺ-ին և ստիպել, որ այն ոչ թե լուծարվի, այլ վարչապետ նշանակի ժողովրդի թեկնածուին, որն էլ կկազմի հակաճգնաժամային անցումային Կառավարություն»,- հավելեց Պապյանը։