Չինական Orion Star Technology Co. Ltd. ընկերությունը վերջերս մշակել է Zhi Ka Master սուրճի պատրաստման ռոբոտացված համակարգ, հաղորդում է Yanko Design-ը:
Zhi Ka Master-ը սուրճի պատրաստման համակարգ է, որտեղ օգտագործվում են 2 ձեռք ունեցող ռոբոտներ՝ ավանդական սուրճ և թեյ պատրաստելու համար:
Ամբողջ համակարգը բաղկացած է 6 առանցք, 2 ձեռք ունեցող ռոբոտից և ուղեկցող աշխատասեղանից:
Ինտեգրված ծրագրային ապահովումը թույլ է տալիս, որ այն գործընթացը կատարի ինքնուրույն՝ առանց մարդու միջամտության։
Սարքի մեջ տեղադրված է RGB տեսախցիկ, իսկ ռոբոտը կարող է իրական ժամանակում հետադարձ կապ ապահովել։ Zhi Ka Master-ն ունի նաև վթարային կոճակ, որը թույլ է տալիս կանգնեցնել ռոբոտի աշխատանքը:
Հայտնի է նաև, որ ռոբոտը զբաղեցնում է 3 քառակուսի մետր տարածք։