«Գնի էական բարձրացում կաթնամթերքի շուկայում այս պահին չկա, բայց դա մեր դաշտում չի գտնվում. կաթնամթերք արտադրողների քանակը բավականաչափ մեծ է: Կան տասնյակ ընկերություններ և չկա մի ընկերություն, որն ունի գերիշխող դիրք: Այստեղ էական մրցակցություն է տեղի ունենում: Տեղեկացնեմ, որ դաշտը մրցակցային է, և գները ձևավորվում են մրցակցության սկզբունքներով՝ շուկայի կանոններին համապատասխան»,- այսօր հրավիրած մամուլի ասուլիսին ասել է ՏՄՊՊՀ նախագահ Գեղամ Գևորգյանը: Անդրադառնալով ձվի շուկային` պաշտոնյան նշել է, որ իրենց կողմից վերահսկվում է հետտոնական վիճակը: «Ձվի թեմայի հետ կապված միայն կասեմ, որ մարտի վերջին, մինչև այդ աղմուկի բարձրանալը, վարույթ ենք հարուցել, որովհետև նման խնդիրներ արդեն տեսել էինք»: Ինչ վերաբերում է կարագի շուկային, ՏՄՊՊՀ նախագահը հայտնել է, որ այստեղ խախտումներ չեն հայտնաբերվել: |