Կանադայի կառավարությունը կասեցրել է ռազմական նշանակության տեխնոլոգիաների և ապրանքների Թուրքիա արտահանման թույլտվությունը, այս մասին հայտնել է Կանադայի ԱԳ նախարար Մարկ Գարնոն: Կանադայի արտգործնախարարը փաստված է համարել Թուրքիայի կողմից կանադական տեխնոլոգիաների կիրառումը ղարաբաղյան պատերազմի ընթացքում և չեղարկել Թուրքիա ռազմական նշանակության արտադրանքի արտահանման գործող արտոնագրերը։ «Դա հակասում է Կանադայի արտաքին քաղաքականությանն ու Թուրքիայի հավաստիացումներին»,- նշված է հայտարարության մեջ: |