ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
ՆԱՏՕ-ն անհիմն է համարում ՌԴ-ի կողմից՝ Ուկրաինայի հետ սահմանին զինվորականների տեղաշարժը
21:16, 13.04.2021 | mamul.am
3572 | 0

Հյուսիսատլանտյան դաշինքը «չհիմնավորված և անբացատրելի» է համարում Ռուսաստանի կողմից զորքերի տեղաշարժն Ուկրաինայի հետ սահմանին: Այս մասին երեքշաբթի Բրյուսելում Ուկրաինայի ԱԳ նախարար Դմիտրի Կուլեբայի հետ համատեղ մամուլի ասուլիսի ժամանակ հայտարարել է ՆԱՏՕ-ի գլխավոր քարտուղար Յենս Սթոլթենբերգը։

«Դաշինքն ուշադիր հետևում է Ուկրաինայի հետ սահմաններին հազարավոր ռուս զինվորականների տեղաշարժին, ինչը 2014 թվականից ի վեր խոշորագույն ռազմական ուժեղացում է: Այդ գործողություններն անհիմն և անբացատրելի են մնում»,-ասել է Սթոլթենբերգը։

Նրա խոսքով՝ ՆԱՏՕ-ն լիովին աջակցում է Ուկրաինային, նրա ինքնիշխանությանն ու տարածքային ամբողջականությանը։
ՆԱՏՕ-ն գործնականում աջակցում է Կիևին, դաշինքը նախկինում արդեն պատժամիջոցներ է կիրառել և իր զորքերը տեղակայել է ՌԴ-ի հետ սահմանների մոտ»,-հավելել է Սթոլթենբերգը:

Կիսվի՛ր այս նյութով՝
դեպի վեր