Եվրոխորհրդարանի պատգամավոր Նիկոս Անդրուլաքիսը դատապարտել է Բաքվում բացված ռազմական ավարի «պուրակը», որտեղ ներկայացված են Լեռնային Ղարաբաղում պատերազմի հետևանքով զոհված հայ զինվորների սաղավարտներն ու մանեկենները, գրում է Greek City Times-ը։
Սոցիալական ցանցերում, Եվրոխորհրդարանի անդամ Նիկոս Անդրուլաքիսը քննադատել է Ադրբեջանի նախագահին և ընդգծել, որ նա «վիրավորում է հայ զինվորների հիշատակը»՝ ստեղծելով «բարբարոսության պուրակ»:
«Միջազգային կազմակերպությունները չեն կարող լռել մարդկության համար ամոթալի այս միջնադարյան պրակտիկայի մասին»,- ասել է նա:
Ըստ տեղական ԶԼՄ-ների, «պուրակն» Ադրբեջանի մայրաքաղաք Բաքվում իր առաջին այցելուներին կընդունի ապրիլի 14-ին: