«Պատերազմի մասին, իհարկե, շատ է խոսվել, բայց ես այսօրվա առիթը պատեհ եմ համարում պատերազմի վերաբերյալ մի շարք շահարկումների ապատեղեկատվությունների և հարցերի պատասխանը տալու»,- այսօր՝ ԱԺ ամբիոնից հայտարարեց վարչապետ Նիկոլ Փաշինյանը։ «Օնիկ Գասպարյանը 2020 թվականի նոյեմբերի 17-ին հայտարարել է, որ պատերազմի չորրորդ օրը՝ ԱԽ նիստի ժամանակ, ներկայացրել է մեր կորուստները և ստեղծված իրադրության վերաբերյալ ԶՈՒ գնահատականը՝ նշելով, որ երկու-երեք օրվա ընթացքում անհրաժեշտ է միջոցներ ձեռնարկել պատերազմը կանգնեցնելու համար»,-ասաց վարչապետը։ «Ուզում եմ այս ամբիոնից պաշտոնապես արձանագրել, որ Օնիկ Գասպարյանի նոյեմբերի 17-ի հայտարարության այդ կետն իրականության հետ որևէ աղերս չունի։ Չի ասել ԳՇ պետը նման բան․ դա արձանագրված է պաշտոնապես, այդ թվում՝ ձայնագրությամբ։ Ընդհակառակը՝ ասել է, որ հակառակորդը ոչ մի առաջխաղացում չի ունեցել, բանակը կատարում է իր առջև դրված և մինչև վերջ կկատարի»,- նշեց Փաշինյանը։ |