Մեծ Բրիտանիայի Եղիսաբեթ 2-րդ թագուհին ամուսնու՝ Էդինբուրգի դուքս Ֆիլիպի մահից 4 օր անց վերադարձել է թագավորական պարտականությունների կատարմանը: Այս մասին հայտնել է Daily Star պարբերականը։ «Արքայազն Ֆիլիպի մահից անմիջապես հետո իր պարտականություններին վերադառնալը մարմնավորում է թագուհու պատասխանատվության խորը զգացումը»,- գրում է լրագրող Էմմա Փարքերը: Նշվում է, որ նախօրեին Եղիսաբեթ 2-րդն արդեն մասնակցել է նախկին լորդ-կամերգերի պաշտոնից Ուիլյամ Փիլի հեռանալու արարողությունը: Նա պաշտոնը պետք է լքեր դեռ 2020-ի վերջին, սակայն միջոցառումը հետաձգվել էր կորոնավիրուսային համավարակի պատճառով։ Փիլը լորդ-կամերգերի պաշտոնում աշխատել է ավելի քան 14 տարի։ |