Եվրոխորհրդարանի պատգամավոր Լուկաս Ֆուրլասը գրավոր դիմել է ԵՄ հանձնաժողովին՝ Բաքվում «ռազմավարի պուրակի» բացման հարցով։ Այս մասին նա հայտնել է իր Twitter-ի էջում․ «Ես հրատապ գրավոր հարցում եմ ներկայացրել ԵՄ հանձնաժողով: Պահանջել եմ գործողություններ ձեռնարկել ադրբեջանական իշխանությունների կողմից ստեղծված անընդունելի «ռազմավարի պուրակի» ուղղությամբ, որտեղ ներկայացված են մարտում սպանված հայ զինվորների սաղավարտները։ Այդ գործողությունները չեն նպաստում տարածաշրջանում խաղաղության և վստահության ամրապնդմանը»,- գրել է Ֆուրլասը։ |