Վերջին օրերին աղմկահարույց տեղեկություններ տարածվեցին այն մասին, որ Vivaro-ի սեփականատեր Վիգեն Բադալյանը 200.000-ական դոլար է տվել Ալեն Սիմոնյանին և Բաբկեն Թունյանին:
Այս ընկերության շուրջ աղմկահարույց տեղեկությունները չեն դադարում։ Այսօր լուրեր են տարածվում այն մասին, որ Vivaro-ն սկսել է հավաքագրել իր աշխատակիցների և վերջինների հարազատների անձնագրային տվյալները։
Ասում են, որ Vivaro-ի սեփականատերն իշխանություններին և իր հովանավոր Ալեն Սիմոնյանին խոստացել է, որ ընտրությունների ժամանակ կապահովի 7000-10.000 ձայն:
Համաձայն շրջանառվող լուրերի, դրա դիմաց, Vivaro-ին տրամադրվել է մենաշնորհային արտոնություն Հայաստանի ցանկացած կետում, ցանկացած ձևով և չափով տեղադրել գովազդային բաններներ։ Ասում են նաև, որ Երևանի քաղաքապետարանի և համայնքապետարանների մասնակցությամբ, երեկոյան ժամերին 1-2 ժամով միտումնավոր անջատվում է այն փողոցների լուսավորությունը, որտեղ հատուկ լուսավորմամբ տեղադրված են Vivaro-ի գովազդային վահանակները, ինչն ընդգծում և ավելի տեսանելի է դարձնում Vivaro-ի գովազդները։