Ֆրանսիայի մշակույթի նախարար Ռոզելին Բաշլոն հայտնել է, որ 830 միլիոն եվրո նվիրատվություն է հավաքվել Փարիզի Աստվածամոր տաճարի վերականգնման համար, որը վնասվել է 2019 թվականին տեղի ունեցած ավերիչ հրդեհից:
«Բնականաբար, ես այդ հիմնադրամի ճիշտ և թափանցիկ օգտագործման երաշխավորն եմ»,- ասել է Բաշլոն՝ պատասխանելով Սենատում տրված հարցերին։
Նախարարը նշել է, որ հավաքված գումարը թույլ կտա սկսել տաճարի վերականգնումը։
Մշակույթի նախարարը հավաստիացրել է, որ Նոտր Դամը կրկին կբացվի 2024 թվականին:
Փարիզի Աստվածամոր տաճարի՝ իր պատմության մեջ խոշորագույն հրդեհը տեղի է ունեցել 2019 թվականի ապրիլի 15-ին։