Մերձմոսկովյան Դուբնա քաղաքում սկսվել է հարվածային անօդաչուների արտադրության՝ Ռուսաստանում առաջին գործարանի շինարարությունը, հայտում է «Կրոնշտադտ» ընկերության մամուլի ծառայությունը: «Գործարանը կկառուցվի ռեկորդային կարճ ժամկետում՝ արտադրության մեկնարկը ծրագրված է արդեն 2021 թվականի նոյեմբերին»,- ասել են ընկերությունում: «Կրոնշտադտի» տվյալներով՝ նախագիծի ներդրումները կկազմեն ավելի քան 4 միլիարդ ռուբլի: Բացի այդ, գործարանն աշխատանքով կապահովի ավելի քան 1,5 հազար մարդու և երկրի բյուջե տարեկան կվճարի ավելի քան 900 միլիոն ռուբլի: Ձեռնարկության ընդհանուր մակերեսը կկազմի 45 հազար քառակուսի մետր, արտադրությունը կլինի անաղմուկ և էկոլոգիապես մաքուր, վստահեցրել են ընկերությունում: |