ԱԺ «Իմ քայլը» խմբակցության պատգամավոր Արմեն Խաչատրյանն այսօր՝ լրագրողների հետ զրույցի ժամանակ անդրադարձել է ԳՇ նախկին պետ Օնիկ Գասպարյանի վերջին հայտարարությանը: «Ես խիստ կասկածում եմ, որ Օնիկ Գասպարյանը հոկտեմբերի 4-ին նման հայտարարություն է արել, որ հնարավոր չէ կռվել և կռիվը պետք է դադարեցնել: Ես նույնիսկ այդ ժամանակ ասել եմ իմ կարծիքը, որովհետև նույնպես տեղեկացված եմ: Վստահ եմ, որ նա նման բան չի ասել: Երկրորդը՝ եթե հոկտեմբերի 4-ին ԳՇ պետն ասում է՝ հնարավոր չէ կռվել, սա պետք է հետևանք ունենար, սա նշանակում է, որ պետք է մտածել ԳՇ պետին փոխելու մասին»,- հայտարարեց պատգամավորը: |