Ֆոտոլրագրող Գ. Շամշյանի հաղորդմամբ, այսօր արտակարգ դեպք է տեղի ունեցել Երևանում։ Ժամը 11։15-ի սահմաններում ոստիկանության Էրեբունու բաժին ահազանգ է ստացվել, որ Արցախի 8/16 հասցեի դիմաց կրակոցներ են հնչում։ Ոստիկանները նշված վայրում բանակցություններ են վարել մի քաղաքացու հետ, ով զինված է եղել։ Որոշ ժամանակ անց Էրեբունու ոստիկանապետի օպերգծով տեղակալը ու քրեական հետախուզության բաժանմունքի պետը կարողացել են վնասազերծել նրան, ապա բերման ենթարկել։ Դեպքի վայրում հայտնաբերվել է զենք-զինամթերք։ |