Բաքվում գտնվող հայ ռազմագերիների վերաբերյալ ԱԺ-ում տեղի ունեցած քննարկման ժամանակ գնդապետ, ԱՀ ԱԻՊԾ փոխտնօրեն Բորիս Ավագյանին հարց ուղղվեց գերեվարված շիրակցի 62 զինծառայողների մասին: «Ադրբեջանը միջազգային իրավունքի տեսակետից ասում է՝ գերի չկա, կան ահաբեկիչներ... Ինձ մոտ առաջանում է հարց՝ եթե այդ 62-ը ահաբեկիչ են, ապա թող իրավաբանորեն ներկայացնեն՝ ի՞նչ հիմքով են 8-ին հետ վերադարձրել, թող հիմքերը հիմնավորեն միջազգային կազմակերպություններին, որոնք նույնպես պետք է զբաղվեն այդ հարցով: Դա նրանց պարտականությունն է և բացատրեն, թե 8 «ահաբեկչին» ինչո՞ւ են ուղարկել Հայաստան»,- ասաց բանախոսը: