+22 °C, +11 °C ... +22 °C Վաղը`+25 °C
Այսօր Սյունիքի մարզի Գորիս համայնք կատարած Նիկոլ Փաշինյանի այցին զոգահեռ ընթանում էր նաև գորիսեցիների բողոքի ակցիան ընդդեմ Փաշինյանի: Նա այցելեց Գորիսի զորամաս, որի տարածքում էլ հավաքվել էին ցուցարարները: Տեղում իրավիճակը հսկում էին մեծ թվով ոստիկանական ուժեր: Սյունեցիները լրագրողների հետ զրույցում նշեցին՝ եթե իսկապես Փաշինյանը կարծում է, որ վայելում է ժողովրդի վստահությունը, ապա Գորիս չպիտի գար ոստիկանների ուղեկցությամբ: «24 տարի էս զորամասում եմ ծառայել, բայց էս ձևի խայտառակություն չեմ տեսել»,- ասաց գորիսեցիներից մեկը: Նշենք, որ Փաշինյանը չմոտեցավ քաղաքացիներին, այլ զորամասից անմիջապես դուրս գալուց հետո, նստեց մեքենան և հեռացավ: Ցուցարարների մոտով Փաշինյանի ավտոշարասյան անցնելու ընթացքում սյունեցիները Փաշինյանին անվանեցին «դավաճան», «թուրք», հնչեցին նաև վիրավորական արտահայտություններ և հայհոյանքներ: «Հենա՛, հեռանում ա, փախնում ա վերևով: Ժողովրդի վարչապետը չի փախնում իր ժողովրդից, ոնց ինքն ա անում: Արա՛, բռնե՛ք. Փաշինյանը փախավ»,- գոռում էին սյունեցիները՝ նրա հասցեին տեղալով հայհոյանքներ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am