+22 °C, +11 °C ... +22 °C Վաղը`+24 °C
Ցանցահենների Revil խմբավորումը, որ հայտնի է նաև Sodinokibi անվամբ, հայտարարել է, որ գողացել է Apple ընկերության նորագույն արտադրանքի գծանկարները: Այս մասին հայտնում է Bloomberg-ը: Տվյալները, որոնք կոմերցիոն գաղտնիք են հանդիսանում, ցանցահենները ձեռք են բերել Apple-ի հիմնական մատակարար թայվանական Quanta Computer ընկերության տվյալները հափշտակելուց հետո: Ըստ աղբյուրի, ցանցահենները ոչ միայն գողացել են տվյալները, այլև դրանք գաղտնագրել են, ինչից հետո պահանջել են 50 միլիոն դոլար գաղտնազերծման բանալին տալու համար: Apple-ը տեղի ունեցածը չի մեկնաբանել, իսկ Quanta Computer-ը հայտարարել է, որ աշխատում են խնդրի լուծման ուղղությամբ, նշելով, որ տեղի ունեցածը զգալի ազդեցություն չի թողել մատակարարի գործունեության վրա: Իսկ ցանցահենները գումարը պահանջում են տալ մինչև մայիսի 1-ը, իսկ մինչ այդ նրանք խոստացել են պարբերաբար հրապարակել գաղտնի տեղեկություններ «Կուպերտինո» գաջեթի մասին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am