Այսօր՝ ապրիլի 21-ին, արտակարգ դեպք է տեղի ունեցել Երևանում: Ժամը 19:00-ի սահմաններում ուժեղ քամու հետևանքով Քրիստափորի փողոցում կիսակառույց շինության տախտակե ծածկերը պոկվել և վնասել են կայանված վիճակում գտնվող Nissan X-Trail և KIA Optima մակնիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, կոտրվել է նաև կահույքի սրահի դռան մեծ ապակին: Բարեբախտաբար, տուժածներ չկան: Թե ով է փոխհատուցելու վարորդների և խանութի կրած վնասը, քաղաքացիները դեռ չգիտեն: Ճանապարհային ոստիկանությունը պարզում է վարորդների ինքնությունը: Ֆոտոլրագրողը հայտնում է, որ և՛ Nissan X-Trail-ը, և՛ KIA Optima-ն մի քանի միլիոնի վնաս են կրել: |