Ինչպես արդեն հայտնի է, երեկ կորոնավիրուսից Երևանում հղի կին է մահացել՝ 34-ամյա Անահիտ Խաչատրյանը: Ըստ Առողջապահության նախարարության մամուլի քարտուղար Հռիփսիմե Խաչատրյանի, նրա կյանքը չի հաջողվել փրկել, քանի որ նա շատ ուշ է դիմել բժշկի: Անահիտն ուներ փոքր երեխա, հղի էր երկրորդով: «Հնարավոր չի պատկերացնել, որ իմ կորուստը ինչ-որ լուրերում ուղղակի վիճակագրություն է»,- ֆեյսբուքյան իր էջում գրել է նրա քույրը՝ Աստղինե Խաչատրյանը: «Ցավս ոչ մի կերպ մեղմել հնարավոր չէ, անմարդկային զգացողություն է երեխայիդ կորցնելը։ Ընդամենը երկու ամիս անց բարի լուրի էինք սպասում։ Անահիտս իր երկրորդ բալիկին էր սպասում, որ ցավոք ծնվել չհասցրեց»,- գրել է որդեկորույս մայրը։ |