Ուկրաինայի նախագահ Վլադիմիր Զելենսկին կախված է ազգայնականներից և Ամերիկայի ու Եվրոպայի ֆինանսական օգնությունից, հայտարարել է ինքնահռչակ Լուգանսկի Ժողովրդական Հանրապետության ղեկավար Լեոնիդ Պասեչնիկը: Նա նշել է, որ Ուկրաինայում շարունակում են գործել քաղաքական ու ռազմական ուժերը, որոնք ձևավորվել են ազգայնականների կողմից և որոնք ատում են Ռուսաստանին: «Եվ հավանաբար, նրանց համար ավելի շատ բարեկամ ու ընկեր է Ամերիկան, քան Ռուսաստանը։ Նրանք, ակնհայտորեն, շատ լուրջ կշիռ ունեն Ուկրաինայի տարածքում, շատ լուրջ ուժ, որից, իմ կարծիքով, վախենում է նաև Զելենսկին»,- ասել է Պասեչնիկը: |